Басқарма Төрағасы Шералы Мейір Нұртайұлы бастаған «Samruk-Kazyna Ondeu» ЖШС-ның жұмыс тобы Алматы қаласына барып, ҚБТУ-мен, Еуразиядағы «Шеврон» бизнес-бөлімшесімен және ҚР-дағы Mitsui & Co Ltd-пен кездесті.
«Қазақстан-Британ техникалық университеті» АҚ (ҚБТУ), «Samruk-Kazyna Ondeu» ЖШС ректорымен және қызметкерлерімен кездесу аясында «Отандық шикізаттан бактерицидті-фунгицидтік препарат – гидрофильді коллоидты күкірт өндірудің химиялық технологиясын әзірлеу» ҒЗТКЖ жобасының іске асырылу барысы таныстырылды. Бұл жоба кесек күкіртті кәдеге жаратудың және Қазақстан Республикасы Ауыл шаруашылығын бактерицидтермен және фунгицидтермен қамтамасыз етудің өзекті мәселелерін шешуге арналған.
Бұдан әрі ҚБТУ өзінің зертханалық базасын, коммерцияландырудың әлеуеті бар перспективалық әзірлемелерді/жобаларды таныстырды.
«ҒЗТКЖ елдегі экономикалық прогресті анықтайтын факторлардың бірі және қазір Қазақстанда осы бағытты дамытудың өткір қажеттілігі бар. Біз бірлескен перспективалық ҒЗТКЖ жобаларын қарау және іске асыру мақсатында ғалымдармен және университеттермен қарым-қатынас орнатуға ашықпыз», - деді кездесу барысында Мейір Нұртайұлы.
Қазақстандағы «Шеврон» компаниясының тікелей инвестициялар қорының өкілдерімен кездесуде жергілікті қамтуды және импортты алмастыруды дамытуға және сенімді, өнімді, ұзақ мерзімді әріптестік қатынастарды құруға ықпал ететін тұрақты және табысты мұнай-химия кәсіпорындарын құру үшін күрделі инвестицияларды қамтамасыз ету және тарту мәселелері талқыланды.
Бұл Қор «Шеврон» компаниясының көмегімен сандық технологияларды қоса алғанда, ақпараттық технологияларды, қоршаған ортаны қорғау, жергілікті өнім берушілердің даму әлеуетімен мұнай-газ саласында тауарлар өндіру мен қызметтер көрсетуді қоса алғанда, бірақ олармен шектелмей, түрлі салалардағы кәсіпорындарға инвестициялау жолымен Қазақстан экономикасының дамуына үлес қосуды жоспарлап отырған құрал.
Mitsui & Co Ltd компаниясының өкілдерімен Қазақстанда ESG жобаларын Қазақстан аумағында ілгерілету үшін өнеркәсіптік қалдықтардан биоэтанол алу жөніндегі жоба, сондай-ақ герметиктер, желімдер және т.б. өндіру үшін полимерлік негіз алу жөніндегі жоба шеңберінде кооперация мүмкіндіктері талқыланды. Кездесу қорытындысы бойынша тараптар екі тарап үшін де осы жобаларды іске асырудың экономикалық тиімділігі тұрғысынан толыққанды пысықтауға келісті.
