Бұл аймақта қазірдің өзінде 1000-нан астам бірлескен және шетелдік кәсіпорындар құрылған және жұмыс істеуде.

ҚР-дың сол не басқа аймағындағы инвестициялық климаттың сапасын жақсарту бойынша іс-шаралар оның қаржылық-бюджеттік тұрақтылығының өсуін қамтамасыз ететін негізгі факторлардың бірі болып табылады. Сондықтан мемлекеттік билік органдары отандық та, шетелдік те жаңа инвесторлардың келуін қамтамасыз ету үшін бар күшін салуы және олармен ынтымақтастықтың ыңғайлы және өзара тиімді нысандарын құруы керек. Атырау облысында бұл жұмыс қалай жүргізіліп жатқаны туралы zakon.kz тілшісіне берген сұхбатында облыс әкімінің орынбасары Ержан Әбілханов айтып берді.

• Аймаққа инвестициялар тарту үшін облыс басшылығы қандай жұмыстар атқаруда?
• Атырау облысында жүйелі негізде инвестициялық климатты жақсарту және аймақтың экономикасына инвестицияларды тарту бойынша жұмыстар жүргізілуде.

Қазақстанның ең қарқынды дамып келе жатқан облыстарының бірі бола отырып, облыс әлемнің 50-ден астам елімен сәтті ынтымақтасады. Мұнда 1 000-нан астам бірлескен және шетелдік кәсіпорындар құрылған және жұмыс істейді.

• Соңғы уақытта Атырау облысына қанша инвесторлар келіп кетті және олар өз ақшаларын салуға қаншалықты дайын?

Орасан инвестициялық әлеуетке ие болатын өңірге жыл сайын алыс және жақын шетелдерден делегациялар келіп кетеді, бұл екіжақты халықаралық қатынастарды орнатуға мүмкіндік береді. Жалпы алғанда, 2019 жылдың қорытындылары бойынша өңірге ынтымақтастық пен инвестициялар салуда қызығушылық танытқан Елшілері, сауда өкілдері және компания басшылары бастаған 20-дан астам шетелдік делегациялар келіп кетті.

Әлемнің 150-ден астам компаниялары қатысатын жыл сайынғы «AtyrauOil&Gas» және «AtyrauBuild» көрмелері аймақтың іскерлік беделінін қалыптастыруына итермелеуші күш береді.

Инвесторларды тарту тәсілдерін жетілдіру және өңірдің инвестициялық қызметімен байланысты мәселелерді жедел шешу мақсатында «Инвестицияларды тарту және инвестициялық климатты жақсарту жөніндегі өңірлік кеңес» құрылды.

Одан басқа, «Атырау» ӘКК базасында инвестицияларды тарту және инвесторларды «бір терезе» қағидаты бойынша сүйемелдеу үшін өңірлік майдан-кеңсе қалыптасқан, сонымен қатар МЖӘ жобалары бойынша инвесторларға қолдау көрсететін «KazakhInvest» ҰК» АҚ және «Атырау Innovations» ЖШС-нің өңірлік өкілдігі жұмыс істейді.

• Қандай инвестициялық жобаларды іске асыру жоспарланған және қайсылары бойынша нақты нәтижелері әлдеқашан бар?
• Президенттің Жарлығымен бекітілген Қазақстан Республикасының 2015-2019 жылдарға арналған индустриялық-инновациялық дамуының мемлекеттік бағдарламасын іске асыру мұнайхимия, фармацевтикалық және ауылшаруашылық салалар, тыңайтқыштар өндірісі (биогумус) және ірі көлемді машина жасау сияқты экономиканың жаңа секторларын құруға және ілгерілетуге мүмкіндік туғызды.

Барлығы 569,1 млрд. теңге шамасында 28 жоба пайдалануға енгізілген және 1 822 жұмыс орны құрылған.

Талшықты-оптикалық кабельдер, бұрғылау қондырғылары, бұрғылау қашаулары, металл пластикалық құбырлар, ірі габаритті және аса ауыр жабдықтар, бұрандалық қосылыстар сияқты өнім түрлерінің өндірісі іске қосылды.

Индустрияландыру картасын қолдана отырып, «Атырау МӨЗ қайта құру және жаңғырту (мұнайды терең қайта өңдеу кешені)» жобасын іске асыру 450 жұмыс орнын құруға мүмкіндік берді.

Мұнай секторында ағымдағы жағдайға және бірқатар шектеулі санитарлық-эпидемиологиялық шараларға қарамастан, «Теңізшевройл» ЖШС «Келешекті кеңейту жобасын» іске асыруды жалғастыруда. Негізгі капиталға салынған инвестициялар көлемі бойынша бұл жоба облыстық және республикалық ауқымдағы көшбасшы болып табылады.

• Ағымдағы жылда қанша инвестициялық жобаларды және қай салаларда іске асыру жоспарлануда?
• 2020 жылы жоспарланған жобаларды іске асыруға және кәсіпкерлікті қолдау картасы аясында 3 жаңа жобаны пайдалануға енгізуге 100 млрд-тан астам теңге тарту жоспарлануда.

Химия өнеркәсібін дамыту үшін құрылған «Ұлттық Индустриялық Мұнай-химия Технопаркі» Арнайы экономикалық аймағының аумағында 9 қатысушы тіркелген. «Полимер Продакшн» ЖШС-нің полимерлі өнімдерін өндіру бойынша жоба пайдалануға енгізілген. «Kazakhstan Petrochemical Industries Inc.» ЖШС, полипропилен өндірісі бойынша жоба іске асырылуда. Жобаны пайдалануға енгізу келесі жылдың ортасында болады деп күтілуде.

АЭА инфрақұрылымы объектілерінің құрылысымен «KarabatanUtilitySolutions» ЖШС айналысады. «KLPE» ЖШС қуаттылығы жылына 1 250 мың тонна полиэтилен және GlobalChemical ЖШС каустикалық сода өндірісі, «KarabatanChemicalCorporation» ЖШС пропанды, бутанды және синтетикалық табиғи газды өндіру бойынша газ фракциялау зауытының құрылысы жобалау сатысында.

Сонымен бірге, ағымдағы жылды «AirLiquide» француздық компаниясының «АМӨЗ» ЖШС базасында техникалық газдарды өндіру бойынша жобасын пайдалануға енгізу күтілуде. Бұл компаниямен осы жылы «KazakhstanPetrochemicalIndustries Inc.» ЖШС-нің қажеттіліктері үшін сығылған ауаны және азотты өндіру бойынша жобасы арқылы құрылыс-монтаж жұмыстарына кірісу жоспарлануда.

Облыстың және өткізу нарықтарының әлеуетін егжей-тегжейлі зерделеу мақсатында маркетингтік талдау және облыстың экономикалық өсу мүмкіндіктерін зерттеу жүргізілді. Нәтижесінде экономиканың төрт саласы анықталды. Бұл инфрақұрылымдық даму, оның ішінде әлеуметтік объектілер. Арнайы несиелерді, көмекқаржыларды қосатын агроөнеркәсіптік кешенді дамыту, арнайы мамандарды даярлау орталығын құру, құнарлы жер телімдерін тексеру және шаруашылықтарға ұсыну. Импорт алмастыру, оның ішінде қарапайым заттарды үнемдеу шеңберінде импортталатын тауарларды алмастыру бойынша жобаларды несиелеу. Кадрларды дамыту – орта және жоғары оқу орындарына салалық бағыттағы қажетті мамандықтар мен оқу курстарын енгізу.

Әрине, инвестицияларды тарту бойынша белсенді жұмыс одан әрі де жалғаса береді. Және де бірінші кезекте, ол біздің өңірдің белгілі бір негізгі артықшылықтары мен мүмкіндіктері негізінде жүзеге асырылатын болады.

Дереккөз: https://www.zakon.kz/