«SK Ondeu» ЖШС Қор компаниялары тобының қызметкерлері үшін экотақырыпқа оқыту тренингін өткізді
«SK Ondeu» ЖШС «Таза Қазақстан» акциясы аясында «Самұрық-Қазына» АҚ барлық қызметкерлері үшін «Қалдықтарды бөлек жинау және өмір сүру сапасы» тақырыбында білім беру тренингін өткізді. Іс-шараның спикері экоконсультант, «Sparklo International» халықаралық компаниясының серіктесі және «Eco MADENIET» негізін қалаушы Айман Сексенова болды.
- Қатты тұрмыстық қалдықтардың қазіргі жағдайын көрсететін бір ұғым бар: «Біз бұл жерді ата-бабаларымыздан мұра етпейміз, оны ұрпақтарымыздан жалға аламыз». Болашағымызға бірге қамқорлық жасап, экологиялық жағдайды жақсартуға қадам жасайық! Таза және тұрақты ғаламшар үшін белсенді болайық, – деп атап өтті Айман Сексенова.
Шеберлік класында Қордың барлық ПК қызметкерлері қалдықтарды бөлек жинау мәселелерін және оның өмір сапасына қалай әсер ететінін талқылады.
