Күшіміз бірлікте! «KUS» ЖШС-ның жұмыскерлері су тасқынына қарсы шараларға қатысуда.
6 сәуірден бастап «SK Ondeu» ЖШС-ның еншілес компаниясы – «KUS» ЖШС-ның жұмыскерлері Атырау облысы Алмалы кентінде бөгетті нығайту үшін тынымсыз жұмыс істеуде. Бөгет қоятын учаскенің ұзындығы 1,3 км. Тәулік бойы қызметкерлер 20-40 адамнан ауысымға шығып отыр. Бөгетті нығайту үшін құм салынған 600 қап әзірленді.
Төтенше сынаққа тап болған адамдарға шыдамдылық пен күш-қуат тілейміз. Жағдай жақын арада тұрақталады деп үміттенеміз!
